सार्थशिवताण्डवस्तोत्रम् श्रीगणेशाय नमः
जटाटवीगलज्जलप्रवाहपावितस्थले
गलेऽवलम्ब्य लम्बितां भुजङ्गतुङ्गमालिकाम् |
डमड्डमड्डमड्डमन्निनादवड्डमर्वयं
चकार चण्डताण्डवं तनोतु नः शिवः शिवम् ||१||
जटाकटाहसम्भ्रमभ्रमन्निलिम्पनिर्झरी
विलोलवीचिवल्लरीविराजमानमूर्धनि |
धगद्धगद्धगज्ज्वलल्ललाटपट्टपावके
किशोरचन्द्रशेखरे रतिः प्रतिक्षणं मम ||२||
धराधरेन्द्रनंदिनीविलासबन्धुबन्धुर
स्फुरद्दिगन्तसन्ततिप्रमोदमानमानसे |
कृपाकटाक्षधोरणीनिरुद्धदुर्धरापदि
क्वचिद्दिगम्बरे(क्वचिच्चिदम्बरे) मनो विनोदमेतु वस्तुनि ||३||
जटाभुजङ्गपिङ्गलस्फुरत्फणामणिप्रभा
कदम्बकुङ्कुमद्रवप्रलिप्तदिग्वधूमुखे |
मदान्धसिन्धुरस्फुरत्त्वगुत्तरीयमेदुरे
मनो विनोदमद्भुतं बिभर्तु भूतभर्तरि ||४||
सहस्रलोचनप्रभृत्यशेषलेखशेखर
प्रसूनधूलिधोरणी विधूसराङ्घ्रिपीठभूः |
भुजङ्गराजमालया निबद्धजाटजूटक
श्रियै चिराय जायतां चकोरबन्धुशेखरः ||५||
ललाटचत्वरज्वलद्धनञ्जयस्फुलिङ्गभा
निपीतपञ्चसायकं नमन्निलिम्पनायकम् |
सुधामयूखलेखया विराजमानशेखरं
महाकपालिसम्पदेशिरोजटालमस्तु नः ||६||
करालभालपट्टिकाधगद्धगद्धगज्ज्वल
द्धनञ्जयाहुतीकृतप्रचण्डपञ्चसायके |
धराधरेन्द्रनन्दिनीकुचाग्रचित्रपत्रक
प्रकल्पनैकशिल्पिनि त्रिलोचने रतिर्मम ||७||
नवीनमेघमण्डली निरुद्धदुर्धरस्फुरत्
कुहूनिशीथिनीतमः प्रबन्धबद्धकन्धरः |
निलिम्पनिर्झरीधरस्तनोतु कृत्तिसिन्धुरः
कलानिधानबन्धुरः श्रियं जगद्धुरंधरः ||८||
प्रफुल्लनीलपङ्कजप्रपञ्चकालिमप्रभा
वलम्बिकण्ठकन्दलीरुचिप्रबद्धकन्धरम् |
स्मरच्छिदं पुरच्छिदं भवच्छिदं मखच्छिदं
गजच्छिदांधकच्छिदं तमन्तकच्छिदं भजे ||९||
अखर्व(अगर्व) सर्वमङ्गलाकलाकदम्बमञ्जरी
रसप्रवाहमाधुरी विजृम्भणामधुव्रतम् |
स्मरान्तकं पुरान्तकं भवान्तकं मखान्तकं
गजान्तकान्धकान्तकं तमन्तकान्तकं भजे ||१०||
जयत्वदभ्रविभ्रमभ्रमद्भुजङ्गमश्वस
द्विनिर्गमत्क्रमस्फुरत्करालभालहव्यवाट् |
धिमिद्धिमिद्धिमिध्वनन्मृदङ्गतुङ्गमङ्गल
ध्वनिक्रमप्रवर्तित प्रचण्डताण्डवः शिवः ||११||
दृषद्विचित्रतल्पयोर्भुजङ्गमौक्तिकस्रजोर्
गरिष्ठरत्नलोष्ठयोः सुहृद्विपक्षपक्षयोः |
तृणारविन्दचक्षुषोः प्रजामहीमहेन्द्रयोः
समं प्रव्रितिक: कदा सदाशिवं भजम्यहम ||१२||
कदा निलिम्पनिर्झरीनिकुञ्जकोटरे वसन्
विमुक्तदुर्मतिः सदा शिरः स्थमञ्जलिं वहन् |
विलोललोललोचनो ललामभाललग्नकः
शिवेति मंत्रमुच्चरन् कदा सुखी भवाम्यहम् ||१३||
इदम् हि नित्यमेवमुक्तमुत्तमोत्तमं स्तवं
पठन्स्मरन्ब्रुवन्नरो विशुद्धिमेतिसंततम् |
हरे गुरौ सुभक्तिमाशु याति नान्यथा गतिं
विमोहनं हि देहिनां सुशङ्करस्य चिंतनम् ||१४||
पूजावसानसमये दशवक्त्रगीतं
यः शम्भुपूजनपरं पठति प्रदोषे |
तस्य स्थिरां रथगजेन्द्रतुरङ्गयुक्तां
लक्ष्मीं सदैव सुमुखिं प्रददाति शम्भुः ||१५||
इति श्रीरावण-कृतम् शिव-ताण्डव-स्तोत्रम् सम्पूर्णम्
🕉️द्वादश ज्योतिर्लिंग स्तोत्रम्🕉️
🙏🕉️⚛️Dvadasa Jyotirlinga Stotram⚛️🕉️🙏
सौराष्ट्रे सोमनाथं च श्रिशैले मल्लिकार्जुनम्।उज्जयिन्यां महाकालमोमकारममलेश्वरम्॥ परल्यां वैद्यनाथं च डाकिन्यां भीमशंकरम्।सेतुबन्धे तु रामेशं नागेशं दारूकावने॥ वाराणस्यां तु विश्वेशं त्र्यंबकं गौतमी तटे।हिमालये तु केदारं घुश्मेशं च शिवालये॥ एतानि ज्योतिर्लिंगानि सायं प्रात: पठेन्नर:।सप्तजन्मकृतं पापं स्मरणेन विनश्यति॥ अन्यथा शरणम् नाऽस्ति, त्वमेव शरणम् मम्।तस्मात्कारूण 🙏⚛️🕉️भावेन्, रक्ष माम् महेश्वर:॥🕉️⚛️🙏
🕉️⚛️🙏लघुरुद्राभिषेक 🙏⚛️🕉️
ॐ सर्वदेवेभ्यो नम :
ॐ नमो भवाय शर्वाय रुद्राय वरदाय च।पशुनां पतये नित्यं उग्राय च कपर्दिने॥1॥ महादेवाय भीमाय त्र्यंबकाय शिवाय च।इशानाय मखन्घाय नमस्ते मखघाति ने॥2॥ कुमार गुरवे नित्यं नील ग्रीवाय वेधसे।पिनाकिने हविष्याय सत्याय विभवे सदा।विलोहिताय धूम्राय व्याधिने नपराजिते॥3॥ नित्यं नील शीखंडाय शूलिने दिव्य चक्षुषे।हन्त्रे गोप्त्रे त्रिनेत्राय व्याधाय च सुरेतसे॥4॥ अचिंत्यायाम्बिकाभर्त्रे सर्व देवस्तुताय च।वृषभध्वजाय मुंडाय जटिने ब्रह्मचारिणे॥5॥ तप्यमानाय सलिले ब्रह्मण्यायाजिताय च।विश्र्वात्मने विश्र्वसृजे विश्र्वमावृत्य तिष्टते॥6॥ नमो नमस्ते सत्याय भूतानां प्रभवे नमः।पंचवक्त्राय शर्वाय शंकाराय शिवाय च॥7॥ नमोस्तु वाचस्पतये प्रजानां पतये नमः।नमो विश्र्वस्य पतये महतां पतये नमः॥8॥ नमः सहस्त्र शीर्षाय सहस्त्र भुज मन्यथे।सहस्त्र नेत्र पादाय नमो संख्येय कर्मणे॥9॥ नमो हिरण्य वर्णाय हिरण्य क्वचाय च।भक्तानुकंपिने नित्यं सिध्यतां नो वरः प्रभो॥10॥ एवं स्तुत्वा महादेवं वासुदेवः सहार्जुनः।प्रसादयामास भवं तदा शस्त्रोप 🙏⚛️🕉️🙏लब्धये॥11॥🙏⚛️🕉️
🕉️🕉️⚛️
शिव – लय भी, प्रलय भी; कला भी, काल भी; डमरू भी, त्रिशूल भी; गंगाजल भी, विष भी! देवाधिदेव महादेव की आराधना के महादिवस, महाशिवरात्रि पर्व की आप सब को शुभकामनाएं।🙏
“हर ओर शिवम्-सत्यम-सुन्दर, हर दिशा-दिशा में हर-हर है
जड़-चेतन में अभिव्यक्त सतत्, कंकर-कंकर में शंकर है
हर-हर महादेव!!🕉️🕉️⚛️
